ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

កាណាដាប្រកាសផ្ដល់ជំនួយឥតសំណងដល់កម្ពុជា២០លានដុល្លារអាមេរិកក្នុងមួយឆ្នាំ

  • ចុះផ្សាយថ្ងៃទី១៣ ខែឧសភា ឆ្នាំ២០២៤ ម៉ោង ១៦:១៥ នាទី ដោយ EAC News
  • 2344
  Aa |   aA

ភ្នំពេញ៖ ប្រទេសកាណាដាតាមរយៈឯកអគ្គរាជទូតរបស់ខ្លួនលោកស្រី Ping M. Kitnikone បាន ប្រកាសថាប្រទេសនេះនឹងបន្តផ្ដល់ជំនួយឥតសំណងដល់កម្ពុជាក្នុង១ឆ្នាំ២០លានដុល្លារ ជាមួយនឹងការជំរុញទំនាក់ទំនងពាណិជ្ជកម្មជាមួយប្រទេសកម្ពុជាបន្ថែមផងដែរ។ ការប្រកាសនេះធ្វើឡើងក្នុងពេលលោកស្រីឯកអគ្គរាជទូតចូលជួបប្រធានរដ្ឋសភាកម្ពុជា សម្ដេចសភាធិកាធិបតី ឃួន សុដារី នៅព្រឹកថ្ងៃច័ន្ទ ទី១៣ ខែឧសភា ឆ្នាំ២០២៤នេះ នៅវិមានសភាកម្ពុជា។

នាយកខុទ្ទកាល័យសម្ដេចប្រធានសភាលោក កែវ ពិសិដ្ឋ បានបញ្ជាក់ថាក្នុងជំនួបនោះលោកស្រី Ping M. Kitnikone បានសង្កត់ធ្ងន់ថាទោះបីកម្ពុជាជិតឈានចេញពីប្រទេសក្រីក្រក្ដីតែជំនួយរបស់កាណាដាសម្រាប់កម្ពុជាគឺនៅដដែល ដែលនេះជាការបង្ហាញនូវទំនាក់ទំនងដ៏ល្អរវាងកម្ពុជានិងកាណាដា។

លោកថា៖ «ការចូលរួមមកដល់កម្ពុជាគឺជាការសម្រេចនូវកាតាព្វកិច្ចរបស់កាណាដាសម្រាប់ការលើកកម្ពស់ពហុភាគីនិយមលើឆាកអន្តរជាតិ ហើយប្រទេសអភិវឌ្ឍន៍គាត់មានការប្ដេជ្ញាចិត្តរបស់គាត់ក្នុងការផ្ដល់នូវជំនួយក្នុងការអភិវឌ្ឍន៍ហ្នឹងដល់ប្រទេសក្រីក្រ ហើយទោះបីជាប្រទេសកម្ពុជាជិតចេញផុតពីប្រទេសក្រីក្រក៏ដោយក៏កាណាដានៅតែបន្តជួយនៅផ្នែកផ្សេងៗដែលអាចជួយបានដែរ»។

នៅក្នុងជំនួបនោះសម្ដេចសភាធិកាធិបតី ឃួន សុដារី បានលើកឡើងពីទំនាក់ទំនងដ៏យូរអង្វែររវាងកម្ពុជានិងកាណាដានិងជំនួយរបស់ប្រទេសនេះមកកាន់កម្ពុជាជាបន្តបន្ទាប់តាំងពីអំឡុងទស្សវត្សទី៩០ ដែលបានជួយដល់សង្គម សេដ្ឋកិច្ចកម្ពុជាយ៉ាងខ្លាំង ជាពិសេសគឺការបន្តរក្សាប្រព័ន្ធអនុគ្រោះពន្ធ GSP ដោយមិនមានសម្ពាធនយោបាយធ្វើជារបាំងនៃពាណិជ្ជកម្មជាមួយកម្ពុជានោះទេ។

ស្របពេលដែលប្រទេសកាណាដាកំពុងចចារជាមួយអាស៊ានលើកិច្ចព្រមព្រៀងពាណិជ្ជកម្មសេរីដោយសម្ដេច ឃួន សុដារី ថាកម្ពុជានឹងគាំទ្រចំពោះកិច្ចព្រមព្រៀងនេះខណៈស្នើដល់កាដាណាគួរមើលកម្ពុជាលើសពីក្របខណ្ឌប្រទេសព្រោះកម្ពុជាគឺជាសមាជិកអាស៊ាន និងជាសមាជិកនៃកិច្ចព្រមពៀង RCEP ដែលនឹងផ្ដល់អត្ថប្រយោជន៍ជាច្រើនដល់ប្រទេសជាមិត្ត។

ទំនាក់ទំនងទ្វេភាគីរបស់កាណាដាជាមួយកម្ពុជាបានបង្កើតឡើងជាច្រើនទសវត្សរ៍មកហើយ ដែលទាក់ទងនឹងជម្លោះឥណ្ឌូចិន នៅពេលដែលកាណាដាបានចូលរួមក្នុងគណៈកម្មាធិការត្រួតពិនិត្យអន្តរជាតិដែលបានបង្កើតឡើងក្នុងឆ្នាំ១៩៥៤ លើសពីនេះកាណាដាក៏ជាភាគីនៃកិច្ចព្រមព្រៀងទីក្រុងប៉ារីសឆ្នាំ១៩៩១ ដែលបានបញ្ចប់ជម្លោះជាច្រើនទសវត្សរ៍។

កាណាដាគឺជាគោលដៅនាំចេញធំមួយរបស់កម្ពុជា ហើយពាណិជ្ជកម្មទំនិញទ្វេភាគីបានកើនឡើងពី ១,៨ ពាន់លានដុល្លារក្នុងឆ្នាំ២០២១ ដល់ ២,៤ពាន់លានដុល្លារក្នុងឆ្នាំ២០២២។ នេះបើតាមការចុះផ្សាយរបស់ក្រសួងការបរទេសកាណាដា៕


ព័ត៌មានជាច្រើនទៀតសម្រាប់អ្នក